好耐都未試過咁多野rush埋一齊，樣樣都做唔切咁。

尋日poly田徑比賽，又玩jav同dis，得dis有塊金，不過我真係好享受個比賽。好鐘意要自己好快咁集中呢種感覺...下一瞬間，比賽就完結。可惜咁多年黎都冇好好放時間o係鐵餅身上，除左中六果年，次次都係臨比賽一、兩個月先黎練。幾年前個大專杯第四已經係我最好既成績...如果唔係中學果時炯炯教過，有D基本功，尋日重邊有機會拎個金。點都好啦～總算享受過田徑既樂趣。

尋晚海洋公園哈囉喂，件衫最後變左加加大碼...今年D鬼屋幾好玩呀！有個鏡房真係好得意！帶頭既我真係盲中中o係度摸住鏡咁行～又有一個單人睇片既，D女仔個個都話好驚，又話有人同佢講野，又話有人了佢地隻腳，而我地D男仔就咩都feel唔到...其間我突然聞到D好臭既屎味，我以為係D機關黎架啦～最後發覺原來係隔離條友放屁...如果以後重有機會去，一定買快票！真係舒服好多！！！重記得同划艇去果年，最後成個鐘阿龍都o係度爆粗～不過有一半原因係因為佢件背心就黎變左條吊帶裙...haha

O...又夠鐘上堂lu...

PolyU Alumni Rowing Regatta 2009

之前冇睇到個start list email，一番到去艇會既時候，發現原來我地果場8＋D對手鬼咁勁！除左有兩條BU之外，重有條poly現役，加多條RHKYC大舊鬼佬，最重要既係，條岩岩玩完兩大既HKU都o係呢場！！！嘩！我同su神見到即刻we嘩鬼叫～點解丘梓佢地果場係3條poly互片，而我地就好似出去送死咁，話晒我地一年先練一次艇架喳！坦白講，落到艇果刻，都重係覺得係出緊去幫人包艇....

點知，學阿駿話齋，就好似我地贏8＋果年咁，臨尾衝過終點一刻先追過左人地，最後贏左個金牌番黎！真係好彩我地被編排玩呢一場，真係非常咁刺激！我相信如果我地玩果場係poly互片果場，個感覺一定冇咁爽～人地係兩大條HKU喎！起碼有練艇先哎！所以，真係好開心好開心！點解我地咁都可以贏得到架！其它運動真係畀唔到划艇既呢一份滿足感！

場4＋，我真係以為我地係第二，原來我地臨尾畀人過左...完全唔清醒！所以，今日既成績係一金一銅！出席呢個一年一度既盛事實在令人滿足！能夠到到今年都重有牌拎，除左多謝班划艇好兄弟，最緊要緊係呢句：我愛理大駿教練！kekeke....重有阿亨呢～～

今日好累好累，成十二點先起身，Wow～學生既特權呢！呵呵～不過代價就係趕report喇！今日要開turbo喇！！！